Link: https://www.virakesari.lk/article/237163
T. குமார்: எங்களால் பேச முடியாதபோது எங்கள் குரலை எடுத்துச் சென்றவர்
நினைவு அறிக்கை – வவுனியாவில் காணாமல் ஆக்கப்பட்டோரின் தாய்மார்கள்
காணாமல் ஆக்கப்பட்ட தமிழ் பிள்ளைகளின் தாய்மார்களாகிய நாங்கள், வவுனியாவில் உள்ள ஏ-9 வீதியில் 3,263 நாட்களுக்கும் மேலாக எமது தொடர்ச்சியான சுழற்சி முறையிலான உண்ணாவிரதப் போராட்டத்தை நடத்தி வருகிறோம்.
146,000-க்கும் மேற்பட்ட தமிழர்கள் கொல்லப்பட்டதற்கும், 30,000-க்கும் மேற்பட்டோர் காணாமல் ஆக்கப்பட்டதற்கும் நீதி வேண்டி நாங்கள் இன்றும் அமெரிக்காவையும், ஐரோப்பிய ஒன்றியத்தையும் எதிர்பார்த்து காத்திருக்கிறோம்.
இந்த நீண்ட போராட்டப் பயணத்தில், T. குமார், என்றழைக்கப்படும் தம்பித்துரை முத்துக்குமாரசாமி அவர்களை ஆழ்ந்த நன்றியுடனும், மரியாதையுடனும், துயரத்துடனும் நினைவுகூருகிறோம்.
1948-ல் இலங்கை சுதந்திரம் பெற்றதிலிருந்து தமிழ் அரசியல் முயற்சிகளின் தொடர்ச்சியான தோல்விகளுக்கு மத்தியில்,T. குமார் தமிழ் அரசியல் தலைமைத்துவத்தின் இரண்டாம் தலைமுறையில் ஒரு முக்கிய ஆளுமையாக உருவெடுத்தார்.
முறிந்துபோன வாக்குறுதிகளுக்கும், பாராளுமன்ற அரசியலின் மாயைகளுக்கும் அப்பால்,
அவர் மனித உரிமைகள், சர்வதேச சட்டம் மற்றும் பொறுப்புக்கூறல் ஆகியவற்றை தமிழ் மக்களின் போராட்டத்தின் மையத்தில் வைத்தார்.
அம்னெஸ்டி இன்டர்நேஷனலால் அங்கீகரிக்கப்பட்ட ஒரு அரசியல் கைதியாகவும், ‘மனசாட்சிக்குக் கட்டுப்பட்ட கைதியாகவும்’, T. குமார் துன்பத்தை ஒரு கோட்பாடாக அல்லாமல், ஒரு நேரடி யதார்த்தமாக அனுபவித்தார்.
அமெரிக்காவில் தனது வாழ்க்கையை மீண்டும் கட்டியெழுப்பிய பிறகு,
அவர் பென்சில்வேனியா பல்கலைக்கழகத்துடன் (UPenn) தொடர்புடைய உயர் மட்ட சட்டக் கல்வியைப் பெற்றார்,அந்த அறிவை பாதிக்கப்பட்ட தமிழ் மக்களுக்கான நீதிக்காக முழுமையாக அர்ப்பணித்தார்.
T. குமார் அவர்கள், அம்னஸ்டி இன்டர்நேஷனல் USA அமைப்பில் ஆசியா மற்றும் பசிபிக் பிராந்தியங்களுக்கான முன்னாள் முக்கிய ஆதரவியல் இயக்குநராக (Advocacy Director) 22 ஆண்டுகளுக்கும் மேலாக பணியாற்றியவர். மனித உரிமைகள், அமெரிக்க வெளிநாட்டு கொள்கை மற்றும் சர்வதேச சட்டம் ஆகிய துறைகளில் அவர் சிறப்பு நிபுணத்துவம் பெற்றவர்.
வாஷிங்டன் டி.சி. மற்றும் ஜெனீவாவில், T. குமார் தமிழர்களுக்காகப் பேசிய மிகவும் செல்வாக்கு மிக்க மனித உரிமை ஆர்வலர்களில் ஒருவராக இருந்தார்.
1948 ஆம் ஆண்டிலிருந்து தமிழர்கள் எதிர்கொண்ட துன்பங்களாலும், 146,000 தமிழர்கள் கொல்லப்பட்டதாலும், 30,000 தமிழர்கள் காணாமல் ஆக்கப்பட்டதாலும் T. குமார் அவர்கள் ஆழ்ந்த துயரமும், மிகுந்த கவலையும் கொண்டிருந்தார். அந்த வேதனையை அவர் அமெரிக்க காங்கிரஸ், ஐக்கிய நாடுகள் சபை மற்றும் சர்வதேச மனித உரிமை மன்றங்கள் வரை எடுத்துச் சென்று, தமிழர்கள் அனுபவித்த துயரங்களை உலகிற்கு வெளிப்படுத்தினார்.
1977 ஆம் ஆண்டு நடந்த இனக்கலவரங்களின் போது, கொழும்பில் அமைக்கப்பட்ட அகதி முகாம்களில் தங்கவைக்கப்பட்டிருந்த தமிழர்களை, லங்கா ராணி என்ற பயணக் கப்பல் மூலம் தமிழ் தாயகமான வடகிழக்கிற்குச் செல்ல T. குமார் அவர்கள் முக்கியப் பங்காற்றினார்.
1983 ஆம் ஆண்டு ஜூலை இனக்கலவரங்களின் போது, அவர் அமெரிக்காவின் பாஸ்டன் நகரத்தில் இருந்தபோதும், அகதி முகாம்களில் பணியாற்றிய தன்னார்வலர்களுக்கு வழிகாட்டி, பல தமிழர்கள் பாதுகாப்பாகத் தங்கள் தாயகத்தை அடைய உதவினார்.
2012 ஆம் ஆண்டில், திரு. சம்பந்தனும் அவரது சகாக்களும் இலங்கையின் எல்.எல்.ஆர்.சி செயல்முறைக்கு அமெரிக்க அதிகாரிகளின் ஆதரவைத் தேடி அமெரிக்காவில் வந்த போது,
T. குமார் தெளிவாகக் கூறினார்:உள்நாட்டு விசாரணைகள் பாதிக்கப்பட்டவர்களுக்கு நீதியை வழங்காது; ஒரு சர்வதேச விசாரணை அவசியம் என்றார்.
இன்றைய வரலாறு அவரது எச்சரிக்கையை உண்மையென நிரூபித்துள்ளது.
T. குமார், சர்வதேச மேற்பார்வையின் கீழ் நடத்தப்படும் ஒரு சுயநிர்ணய வாக்கெடுப்பு மட்டுமே தமிழ் மக்களின் எதிர்காலத்தைத் தீர்மானிப்பதற்கான ஜனநாயக வழி என்று ஆழமாக நம்பினார், மேலும் அதற்காகத் தனது வாழ்நாள் முழுவதும் போராடினார்.
செம்மணி உட்படப் பல இடங்களில் உள்ள மனிதப் புதைகுழிகளுக்கான நீதியின் அவசியம் குறித்தும், உண்மை இல்லாத அமைதி ஒரு அநீதி என்பதையும் T. குமார் உலகிற்குத் தொடர்ச்சியாக நினைவூட்டினார்.
அவர் புகழைத் தேடவில்லை.
அவர் அமைதியாகச் சேவை செய்தார்.
அவர் பணிவுடன் தலைமை தாங்கினார்.
குரலற்ற மக்களுடன் அவர் உறுதியாக நின்றார்.
பாதிக்கப்பட்ட தமிழ் மக்களுக்கும் அவர்களது குடும்பங்களுக்கும்,
T. குமார்
ஒரு வழக்கறிஞர் மட்டுமல்ல—
ஒரு சாட்சி, ஒரு தோழன், நாங்கள் பேச முடியாதபோது எங்கள் குரலை எடுத்துச் சென்ற ஒரு மனிதர்.
வவுனியாவில் இரவும் பகலும் அமர்ந்து, உலகைப் பார்த்து,
“எங்கள் பிள்ளைகள் எங்கே?” என்று கேட்ட தாய்மார்களின் கேள்வி
ஒருபோதும் மறக்கப்படாமல் இருப்பதை T. குமார் உறுதி செய்தார். அவரது ஆன்மா சாந்தியடையட்டும்.
நீதிக்கான அவரது அர்ப்பணிப்பு எங்கள் போராட்டத்தில் தொடர்ந்து நிலைத்திருக்கட்டும்.
நன்றி கோ.ராஜ்குமார்
தமிழர் தாயக காணாமல் ஆக்கப்ப்டோர் சங்கம்.